“Gratë dhe Burrat në Shqipëri 2025” është një publikim që paraqet të dhëna në fusha të ndryshme të jetës, të ndara sipas gjinisë, me qëllim reflektimin e problematikave të shoqërisë për monitorimin e politikave ndër-sektoriale, në kuadër të arritjes së barazisë gjinore. Statistikat dhe treguesit e prezantuar në këtë publikim u shërbejnë politikëbërësve, botës akademike, shoqërisë civile dhe përdoruesve të ndryshëm për të analizuar në një kontekst të gjerë arritjet e barazisë gjinore.

Publikimi është i konceptuar në kapituj të veçantë, sipas tematikës që mbulohet duke pasqyruar informacion të plotë mbi statistikat gjinore në vendin tonë. Çdo fushë pasqyron dallimet ose pabarazitë e situatës së burrave dhe grave.