Në Shqipëri operojnë katër porte detare të cilët shërbejnë për transport mallrash: Porti i Durrësit, Vlorës, Shëngjinit dhe porti i Limjonit (Sarandë). Porti i Durrësit është porti kryesor në vend prej të cilit, gjatë tremujorit të katër 2024, janë transportuar 94,3 % e volumit të mallrave të transportuar me det, ose 1.895 mijë ton mallra. Volumi gjithsej i mallrave të transportuara nga porti i Durrësit është rritur me 15,4 %, krahasuar me të njëjtën periudhë të një viti më parë.