Tregu i Punës dhe Arsimi | Instat

Tregu i Punës dhe Arsimi

Punësimi dhe papunësia

Anketa e Forcave të Punës ka si objektiv kryesor mbledhjen e informacionit cilësor dhe sasior për vlerësimin e treguesve kryesorë të tregut të punës për të gjithë individët 15 vjeç e lart në Shqipëri. Popullsia e marrë në studim ndahet në tre grupe kryesore: të punësuar, të papunë dhe jashtë forcave të punës

Të dhëna administrative të tregut të punës

Publikimi i të dhënave me seri tremujore dhe vjetore mbi treguesit administrative të tregut të punës synon në vlerësim sasior dhe dinamik të zhvillimeve të tregut të punës.

Statistika të regjistrimeve në arsim

Statistikat e arsimit përfshijnë të dhëna mbi pjesëmarrjen e fëmijëve, nxënësve dhe studentëve në arsimin zyrtar publik dhe privat si edhe diplomimet në arsimin bazë, të mesëm dhe të lartë. Në universitetet shqiptare aplikohen programet e studimit sipas sistemit të Bolonjës. Drejtimet kryesore në të cilat synon të zhvillohet arsimi i lartë, është kërkesa për universitete sa më cilësore, të orientuara drejt kërkimit shkencor. INSTAT prodhon treguesit përkatës mbi arsimin bazuar në definicionet ndërkombëtare duke sig…

Statistika të diplomimeve

Statistikat e arsimit përfshijnë të dhëna mbi pjesëmarrjen e fëmijëve, nxënësve dhe studentëve në arsimin zyrtar publik dhe privat si edhe diplomimet në arsimin bazë, të mesëm dhe të lartë. Në universitetet shqiptare aplikohen programet e studimit sipas sistemit të Bolonjës. Drejtimet kryesore në të cilat synon të zhvillohet arsimi i lartë, është kërkesa për universitete sa më cilësore, të orientuara drejt kërkimit shkencor. INSTAT prodhon treguesit përkatës mbi arsimin bazuar në definicionet ndërkombëtare duke sig…

Të mësuarit gjatë gjithë jetës

Anketa “Arsimi i të rriturve” përfshin pjesëmarrjen në arsim (zyrtar, jo zyrtar dhe informal) dhe trajnimet. Periudha e referencës për pjesëmarrje në arsim dhe trajnim është dymbëdhjetë muaj përpara momentit të intervistës. Studimi përqëndrohet në persona të moshës 25-64 vjeç, që jetojnë në njësitë ekonomike familjare.

Publikimi i të dhënave për pagat përmbajnë të dhëna të detajuara për nivelin e pagave shpërndarjes dhe ndryshimit të tyre përgjatë një viti. Këto statistika ofrojnë një mundësi për të krahasuar pagat në industri të ndryshme dhe për grup-profesione të ndryshme. Rritja reale e pagave dhe hendeku gjinor i pagave janë gjithashtu të një rëndësie të veçantë për monitorimin e treguesve ekonomikë dhe që përdoren nga politikë-bërësit, punëdhënësit dhe sindikatat për të vlerësuar kushtet e kërkesës dhe të ofertës për punë.

Publikimi “Kostot e Punës” përmban të dhëna të detajuara mbi strukturën e kostove të ndërmarrjeve për faktorin e prodhimit punë. Kostot e punës janë komponenti kryesor i kostos së prodhimit të të mirave dhe shërbimeve dhe i korrespondojnë kostove të një punëdhënësi për punësimin e stafit punonjës. Megjithëse kostot e punës nuk janë i vetmi faktor përcaktues për të zgjedhur vendin ku do të lokalizohet një biznes, ata përbëjnë një nga faktorët kyç.

Struktura e të Ardhurave nga Puna

Publikimi “Struktura e të ardhurave nga Puna” përmban të dhëna mbi të ardhurat nga puna të strukturuara sipas karakteristikave kryesore të të punësuarve (gjinia, mosha, niveli i arritjeve, profesioni etj.) dhe ndërmarrjeve (aktiviteti ekonomik, madhësia etj.). Burim i këtyre të dhënave është Anketa e Strukturës së të Ardhurave nga Puna për vitin 2022 (ASAP 2022) i realizuar nga Instituti i Statistikave të Shqipërisë.