Programi i Bashkëpunimit Statistikor me Shumë Vende Përfituese

PROGRAMI RAJONAL IPA MB 2022

1. TITULLI I PROJEKTIT: Programi i Bashkëpunimit Statistikor me Shumë Vende Përfituese – IPA 2022

Instrumenti Financues: Kontratë Granti IPA 2022

Statusi: Në vazhdim

Periudha e zbatimit: 01.01.2024 – 31.12.2027

Financuesi: Bashkimi Evropian

Vlera e Financimit: 1,609,050.38 Euro

Lloji i Financimit: Asistencë Teknike

Përfituesi: INSTAT, SORS, MONSTAT, MAKSTAT; TurkStat; KAS; BiH

Agjencia zbatuese: INSTAT

Fushat statistikore përfituese nga programi: Statistikat e Financave të Qeverisë dhe Defiçitit të Tepërt, Investimet e Huaja Direkte, HICP&HPI, PPP, Statistikat Afatshkurtra dhe Strukturore të Biznesit, Statistikat e Transportit, Anketa e Forcës së Punës, Anketa e të Ardhurave dhe Nivelit të Jetesës, ESSPROS, Llogaritë Ekonomike në Mjedis, Statistikat e Ujit, Menaxhimi i Cilësisë, Objektivat e Zhvillimit të Qëndrueshëm, Statistikat e Qytetit/Informacioni Gjeografik,

Objektivat e programit:

Qëllimi i Programit IPA 22 është përgatitja e Sistemit Kombëtar Statistikor të Shqipërisë për anëtarësimin e ardhshëm në BE, përmes përafrimit të metodologjive dhe praktikave të tij me acquis-in statistikor të BE-së dhe integrimit në Sistemin Statistikor Evropian (ESS).

Objektivat specifike janë si më poshtë:

·Përmirësimi dhe forcimi i sistemit statistikor të Shqipërisë, si dhe integrimi i mëtejshëm i tij në ESS.

·Përmirësimi i disponueshmërisë, besueshmërisë, afatshmërisë, cilësisë dhe krahasueshmërisë së të dhënave statistikore, të cilat janë thelbësore për hartimin, zbatimin dhe monitorimin e politikave evropiane (si Strategjia për Ballkanin Perëndimor, Plani Ekonomik dhe i Investimeve për Ballkanin Perëndimor, dialogët e politikave me Turqinë), si dhe për përgatitjen e Shqipërisë për anëtarësimin e ardhshëm në BE.

·Mbështetja e përpjekjeve për garantimin e pavarësisë profesionale të Institutit të Statistikave të Shqipërisë dhe forcimi i rolit të tij qeverisës si koordinator i sistemit zyrtar statistikor, duke rritur besimin dhe besueshmërinë e përdoruesve në statistikat zyrtare.

·Mbështetja e veprimeve për përmirësimin e efikasitetit të Sistemit Kombëtar Statistikor (NSS) në Shqipëri, përmes përdorimit të metodave moderne dhe me kosto-efektive për prodhimin statistikor, siç është përdorimi i regjistrave administrativë dhe burimeve të tjera (të reja) të të dhënave.

Rezultatet e programit: Përmirësimi i disponueshmërisë, cilësisë dhe krahasueshmërisë së statistikave; Integrimi i mëtejshëm i INSTAT-it në ESS; rritja e kapaciteteve administrative të INSTAT; përmirësimi i bashkëpunimit ndërmjet ESS dhe INSTAT; forcimi i rolit të INSTAT-it si koordinator i Sistemit Kombëtar Statistikor..