Regjistrimi i Përgjithshëm i Ndërmarrjeve 2010

Me regjistrim të ndërmarrjeve jobujqësore do të kuptojmë anketimin e të gjitha njësive ekonomike jobujqësore që ushtrojnë aktivitet në gjithë territorin e Shqipërisë, për të siguruar një informacion të plotë identifikues dhe ekonomik.
Në këtë regjistrim përfshihen edhe administrata publike, OJF-të dhe organizatat ndërkombëtare.

Regjistrimi i përgjithshëm i njësive ekonomike jobujqësore bëhet me qëllim që:

• - të sigurojë informacion të përgjithshëm dhe të hollësishëm për njësitë ekonomike jobujqësore brenda territorit të Republikës së Shqipërisë;
  - të ofrojë të dhëna të besueshme statistikore, të nevojshme për planifikimin dhe vënien  në zbatim të politikave të përgjithshme të zhvillimit ekonomik;
  - të përditësojë regjistrin e njësive ekonomike jobujqësore dhe të krijojë regjistrin e njësive lokale ekonomike;
  - të përmirësojë cilësinë e treguesve identifikues dhe ekonomikë ekzistues, si edhe të bëjë përcaktimin e treguesve të rinj, veçanërisht të atyre ekonomikë;
  - të identifikojë lidhjen që ekziston ndërmjet njësisë ligjore dhe njësisë ekonomike jobujqësore.