Ndryshimi vjetor i matur nga Indeksi i Harmonizuar i Çmimeve të Konsumit në muajin Korrik 2024 është 2,5 %. Rritja më e madhe e çmimeve prej 4,1 % vërehet në grupin “Shërbimi arsimor”, pasuar nga grupet “Ushqime dhe pije joalkoolike” me 3,6 %, “Pije alkoolike dhe duhan” me 3,0 %, “Veshje dhe këpucë” me 2,7 %, “Mobilim, pajisje shtëpie dhe mirëmbajtje” me 2,4 %, “Mallra dhe shërbime të ndryshme” me 2,3 %, “Shëndeti” dhe “Hotele, kafene dhe restorante” me 2,1 % secili, “Qira, ujë, lëndë djegëse dhe energji” me 1,8 %, “Argëtim dhe kulturë” me 1,3 %, “Transporti” dhe “Komunikimi” me 0,3 % secili. Në muajin Korrik 2024, ndryshimi mujor i matur nga Indeksi i Harmonizuar i Çmimeve të Konsumit është -0,2 %. Ky ndryshim është ndikuar kryesisht nga ulja e çmimeve të grupeve “Ushqime dhe pije joalkoolike” dhe “Argëtim dhe kulturë” me 0,7 % secili.